Monday, June 22, 2020
 |
| Arita |
Temas nyanya Kona
Buge kati Ara
Berusaha Mera
Murip i Atan ni bumi
Usaha enti kite lesi
Rejeki kati Ara
Murip wan ni Donya
Temas nyanya Kona
Enti mi mulo kaya
Orop murip sederhana
Penting kite bahagia
Murip i wan keluarga
Wajib si kite perahi
Warus demu ni rejeki
I tiroi ku si sara
Murip wan ni Donya
Temas nyanya Kona
Conto ku si Ara
Engon nyata cara
Demu Gere Mera
Putus asa dosa
Waktu si turah i bagi
Akhirat si turah ingeti
Usali oh usaha
Murip wan ni Donya
Temas nyanya Kona
Ike dekat urum ulama
Turah demu bang ne pahla
Dekat urum jema kaya
Pinyem Mulo dang dang Ara
Kerah si turah i ganti
Kiper ganda pe jadi
Kunehmi nge terpaksa
Murip wan ni Donya
Temas nyanya Kona
Kite nge dewasa
Tenaga Ara
Kati nti sengsara
Usaha sana
Susah kite ekonomi
Kemel Kin si kuen kiri
Rugi ke taring masa
Murip wan ni Donya
Temas nyanya Kona
Laing jemen enge Ara
Si miskin nge mate angka
Aku sebagai kepala
Pikir nong Gere berjenta
Aku nge olok di sangsi
Pikir si gere mubukti
Gati di wawancara
Murip wan ni Donya
Temas nyanya Kona
Katas panang ko mata
Kene jema loba
tuyuh engon nyata
Baro Donya rata
Murip enti olok pikiri
Ke male demu rejeki
Wan guci waeh mumata
murip wan ni Donya
Temas nyanya Kona
Seber tabah turah Ara
Temas mewah enti paksa
Mokot segala rencana
Sawah ke de cita cita
Pedoman so Laing ni nabi
Nasib tetahi kin diri
Munampi setahun jua
Murip wan ni Donya
Temas nyanya Kona
Murip wan ni Donya
Temas nyanya Kona
Sumber : MP3 Lagu Gayo Arita berjudul Temas Nyanya